ເອດ ຫຼື ເຊື້ອ HIV ຍັງເປັນໂຣກທີ່ຍັງບໍ່ທັນສາມາດຮັກສາໃຫ້ຫາຍຂາດໄດ້ແຕ່ໃນປັດຈຸບັນ ໄດ້ມີການຄົ້ນຄວ້າ ແລະ ວິໄຈຈົນສາມາດຜະລິດຢາທີ່ສາມາດປ້ອງກັນເຊື້ອນີ້ໄດ້ແລ້ວ ເຊິ່ງມີຊື່ວ່າ PEP ແລະ PrEP
+PEP ຫຍໍ້ມາຈາກ (Post-Exposure Prophylaxis) ເປັນຢາຕ້ານໄວຣັດ HIV ແບບສຸກເສີນເຊິ່ງຢານີ້ຈະຈ່າຍໃຫ້ແກ່ ບຸກຄົນທີ່ຖືກລ່ວງລະເມີດທາງເພດ, ຄົນທີ່ມີເພດສຳພັນໂດຍບໍ່ໄດ້ປ້ອງກັນກັບຄົນແປກໜ້າ,ຖົງຢາງຮົ່ວ ຫຼື ຖົງຢາງຫຼຸດລະຫວ່າງມີເພດສຳພັນ ແລະ ອື່ນໆທີ່ສົງໄສວ່າໄດ້ຮັບເຊື້ອ HIV ແລະ ເພື່ອໃຫ້ໄດ້ປະສິດທິພາບສູງສຸດຈະຕ້ອງກິນຢານີ້ ຢ່າງໄວທີ່ສຸດ ພາຍໃນເວລາ 72 ຊັ່ວໂມງ ແລະ ຈະຕ້ອງກິນຢາຢ່າງຕໍ່ເນື່ອງເປັນເວລາ 28 ມື້ ພາຍໃຕ້ການເບິ່ງແຍງ ແນະນຳຂອງແພດເຫດຜົນທີ່ຕ້ອງກິນຢານີ້ໃຫ້ໄວທີ່ສຸດກໍເພື່ອໃຫ້ຢາເຂົ້າໄປຕໍ່ສູ້ກັບເຊື້ອ HIV ແລະ ສ້າງລະບົບພູມິຄຸ້ມກັນທີ່ຈະສາມາດປ້ອງກັນHIV ໄດ້ ແຕ່ຖ້າກິນຢາຫຼັງຈາກ72 ຊັ່ວໂມງ ຈະໃຫ້ມີປະສິດທິພາບໜ້ອຍ ຫຼື ບໍ່ ສາມາດປ້ອງກັນການຕິດເຊື້ອໄດ້ເລຍ
+PrEP ຫຍໍ້ມາຈາກ (PreExposure Prophylaxis) ເປັນຢາທີ່ກິນກ່ອນຈະໄດ້ຮັບເຊື້ອຫຼືປ້ອງກັນເຊື້ອ HIV ສຳລັບກຸ່ມຄົນທີ່ບໍ່ມີການກວດພົບເຊື້ອHIV ແຕ່ມີຄວາມສ່ຽງສູງທີ່ຈະໄດ້ຮັບເຊື້ອຈາກພຶດຕິກຳ ຫຼື ຫນ້າທີ່ການງານທີ່ປະຕິບັດ ຕົວຢ່າງເຊັ່ນ ຜູ້ທີ່ມີຜົນເລືອດເປັນລົບ (ບໍ່ມີເຊື້ອ HIV) ແຕ່ມີຄູ່ຮັກ ຫຼື ຄູ່ນອນທີ່ມີຜົນເລືອດເປັນບວກ (ມີເຊື້ອ HIV) ທີ່ຢັງບໍ່ໄດ້ຮັບຢາຕ້ານ ຫຼື ຢັງກວດພົບໄວຣັດໃນເລືອດ, ຜູ້ທີ່ເຄີຍກິນຢາປ້ອງກັນ HIV ແບບສຸກເສີນ ແລະ ຍັງມີພຶດຕິກຳສ່ຽງໃນແບບເດີມ, ຊາຍ ຫຼື ຍິງທີ່ເຮັດວຽກບໍລິການທາງເພດ, ຜູ້ທີ່ມີນິສັຍມັກປ່ຽນຄູ່ນອນ, ຊາຍທີ່ມີເພດສຳພັນກັບຊາຍ ຫຼື ສາວປະເພດສອງ PrEP ຄືຢາຕ້ານໄວຣັດທີ່ໃຫ້ກິນເປັນປະຈຳເພື່ອລົດຄວາມສ່ຽງຕໍ່ການຕິດເຊື້ອHIV ແລະ ໃຫ້ປະສິດທິພາບຫຼາຍໃນກຸ່ມຊາຍຮັກຊາຍ ແລະສາວປະເພດສອງທີ່ມີເພດສຳພັນກັບຊາຍໂດຍຫາກກິນຢາຢ່າງ ສະໝ່ຳສະເໝີແລ້ວ ຈະສາມາດປ້ອງກັນການຕິດເຊື້ອເອດໄດ້ເຖິງ92% ໂດຍຢາທີ່ແນະນຳໃຫ້ໃຊ້ໃນປະຈຸບັນຄື Tenofovir 300mg; Emtricitabine 200mg ເທື່ອລະ 1 ເມັດ ມື້ລະ 1 ເທື່ອ ເຖິງວ່າ PEP กับ PrEP ຈະສາມາດປ້ອງກັນການຕິດເຊື້ອ HIV ໄດ້ແຕ່ກໍຢັງບໍ່ 100% ດັ່ງນັ້ນຫຼັງຈາກທີ່ໃຊ້ຢາຄວນໄປກວດເລືອດທຸກໆ 3 ເດືອນເພື່ອເຊັກໃຫ້ແນ່ໃຈວ່າບໍ່ມີການຕິດເຊື້ອ ແລະ ຢ່າໄດ້ມີພຶດຕິກຳທີ່ສ່ຽງຕໍ່ການຕິດເຊື້ອຈະເປັນການດີທີ່ສຸດ.
ຂໍ້ມູນອ້າງອີງຈາກ: http://pplao.blogspot.com/2018/07/hiv-pepprep.html?m=1
