ຮູ້ໄວ້ກ່ອນໄປກວດ
ໃນປະຈຸບັນການກວດຫາເຊື້ອ HIV ແລະ ພະຍາດຕິດຕໍ່ທາງເພດສຳພັນ(ພຕພ) ໃນປະເທດລາວນັ້ນແມ່ນເປັນໄປໄດ້ງ່າຍ ເນື່ອງຈາກມີຫຼາຍສະຖານທີ່ ແລະ ໂຮງໝໍໃຫຍ່ໃນນະຄອນຫຼວງວຽງຈັນ ແລະ ໂຮງໝໍແຂວງ, ຄີຣນິກເອກະຊົນຫຼາຍແຫ່ງກໍສາມາດໃຫ້ບໍລິການການກວດຂອງທ່ານໄດ້ເຊັ່ນກັນ, ນອກຈາກນີ້ໂຮງໝໍໃຫຍ່ບາງແຫ່ງເຊັ່ນ: ໂຮງໝໍເຊດຖາທິຣາດຍັງມີການແຈກຢາຍຢາ ເພັບ PrEP ອີກດ້ວຍ.
ສາມາດໄປຮັບຂໍ້ມູນ ແລະ ເຂົ້າໄປກວດໄດ້ໃນໂຮງໝໍເມືອງທັງ9ແຫ່ງ ແລະ ໂຮງໝໍແຂວງເຊັ່ນ:
- ໂຮງໝໍເຊດຖາທິຣາດ ພະແນກຊຶມເຊື້ອ
- ໂຮງໝໍມະໂຫສົດ ພະແນກຊຶມເຊື້ອ
- ໂຮງໝໍ 150 ຕຽງ ພະແນກຊຶມເຊື້ອ
- ໂຮງໝໍ103 ບ່ອນກວດເລືອດ
- ໂຮງໝໍ ເມືອງ 9 ແຫ່ງໃນນະຄອນຫລວງວຽງຈັນ
- ໂຮງໝໍ ແຂວງຫຼວງພະບາງ
- ໂຮງໝໍ ແຂວງໄຊຍະບູລີ
- ໂຮງໝໍ ເມືອງຫ້ວຍຊາຍ ແລະ ຕົ້ນເຜີ້ງ ແຂວງບໍ່ແກ້ວ
- ໂຮງໝໍ ແຂວງຫຼວງນ້ຳທາ
- ໂຮງໝໍ ແຂວງຄຳມ່ວນ
- ໂຮງໝໍ ແຂວງສະຫວັນນະເຂດ
- ໂຮງໝໍ ແຂວງຈຳປາສັກ
- ສູນວີຊີທີ (VCT) ແລະ ອາສາສະໝັກທີ່ລົງກວດ
- ສູນໄວໜຸ່ມ
- ສູນຕ້ານເອດ
- ອົງການກາແດງລາວ
ເມື່ອທ່ານຕັດສິນໃຈກວດ
ການກວດແມ່ນບໍ່ຫຍຸ່ງຍາກ ແລະ ມີຄວາມເປັນມິດປິດລັບຕໍ່ຜົນກວດຂອງທ່ານໃນທຸກຂັ້ນຕອນ:
1. ການລົງທະບຽນ ແລະ ການຮັບຄຳປຶກສາກ່ອນກວດ.
- ຮັບບັດຄິວຈາກພະນັກງານ.
- ລໍຖ້າພະນັກງານນຳເຂົ້າສູ່ຫ້ອງໃຫ້ຄຳປຶກສາຕາມລຳດັບບັດຄິດ.
- ກວດເລືອດໂດຍການເຈາະທີ່ປາຍມື ຫຼື ຂໍ່ພັບແຂນ.
- ຮັບຄຳປຶກສາຫຼັງການເຈາະເລືອດ, ຟັງຜົນ ແລະ ຄວາມໝາຍຂອງຜົນກວດເລືອດ.
ໂດຍທົ່ວໄປແລ້ວສຳລັບຄົນລາວແມ່ນກວດເລືອດຫາເຊື້ອ HIV ຫຼື ພະຍາດເອດ ຕາມໂຮງໝໍໃຫຍ່ ແລະ ໂຮງໝໍເມືອງໃນບ້ານເຮົາແມ່ນບໍໄດ້ເສຍຄ່າໃຊ້ຈ່າຍ ນອກຈາກວ່າຈະມີການກວດລາຍການອື່ນເພີ່ມຕື່ມເຊັ່ນ: ການກວດພະຍາດ ພຕພ, ກວດຄ່າຕັບ, ກວດຊີຟີລິສ ( Syphilis ) ຫຼື ພະຍາດອື່ນໆ.
- ການກວດເລືອດຫາເຊື້ອ HIV ໃນໂຮງໝໍລັດທຸກແຫ່ງແມ່ນບໍ່ເສຍຄ່າ.
- ສຳລັບໂຮງໝໍ ຫຼື ຄີນິກເອກກະຊົນແມ່ນອາດເສຍຄ່າໃຊ້ຈ່າຍ.
- ການຈ່າຍຢາຕ້ານໄວຣັດ ARV ຫຼັງພົບວ່າຕິດເຊື້ອແລ້ວແມ່ນບໍ່ມີຄ່າໃຊ້ຈ່າຍໃນໂຮງໝໍລັດ ຫຼື ສູນ ARV.
- ການກວດຫາເຊືຶ້ອ ພຕພ ຕາມໂຮງໝໍລັດ ແມ່ນອາດມີຄ່າໃຊ້ຈ່າຍ.
ການກວດຫາເຊື້ອ ພຕພ ຕາມໂຮງໝໍ ຫຼື ຄີຣນິກເອກະຊົນແມ່ນອາດມີຄ່າໃຊ້ຈ່າຍ.
2. ການເຈາະ ແລະ ກວດເລືອດ.
ເມື່ອເຈົ້າຕັດສິນໃຈກວດ:
- ພະຍາບານ ຫຼື ພະນັກງານຈະເຈາະເລືອດຈາກ ຂໍ່ພັບແຂນ ຫຼື ປາຍນີ້ວມື ຈາກນັ້ນນຳໃສ່ຫຼອດທີ່ມີລະຫັດຢູ່ຂ້າງຫລອດເຂົ້າຫ້ອງແລັບ, ໃນການລໍຖ້າຟັງຜົນກວດອາດຈະໃຊ້ເວລາ 1 ມື້ ຫຼື ຫຼາຍກວ່າ.
- ສຳລັບການເຈາະເລືອດຈາກປາຍນິ້ວມື ຫຼື ໃຊ້ຊຸດກວດແບບດ່ວນ (Rapid test) ແມ່ນທ່ານຈະໄດ້ລໍຖ້າປະມານ 10-30 ນາທີ.
3. ຮັບຄຳປຶກສາຫຼັງກວດ ແລະ ຖ້າຟັງຜົນ.
ຂັ້ນຕອນການຮັບຟັງຜົນແມ່ນຈະເປັນຄວາມລັບທີ່ສຸດ ທ່ານຈະຖືກເອີ້ນເຂົ້າສູ່ຫ້ອງໃຫ້ຄຳປຶກສາສ່ວນໂຕ ໂດຍຈະມີແຕ່ທ່ານກັບໝໍຟັງຜົນເພື່ອໃຫ້ຮູ້ຜົນ ແລະ ຂໍ້ມູນທົ່ວໄປໃນການຮັກສາສຸຂະພາບຂອງທ່ານ.
1. ຜົນບວກ(Positive).
2. ຜົນລົບ(Negative).
ຖ້າຜົນກວດເປັນບວກ:
- ການກວດຫາເຊື້ອ HIV ຈະໄດ້ໃຊ້ຊຸດກວດ 3 ຊຸດ ແລະ ໃຊ້ວິທີກວດແຕກຕ່າງກັນຫາກຜົນເລືອດຈາກຊຸດກວດໃນຄັ້ງທຳອິດເປັນບວກ (reactive) ຈະຕ້ອງນຳເລືອດໄປກວດອີກ2ຄັ້ງເພື່ອຢັ້ງຢືນຜົນ, ຫາກຜົນກວດທັງ3ຄັ້ງອອກມາເປັນບວກ reactive ຈຶ່ງຈະສາມາດສະລຸບໄດ້ວ່າມີ (ຜົນເລືອດເປັນບວກ)
- ຖ້າຫາກຜົນກວດຂອງທ່ານອອກມາເປັນ ບວກ ແມ່ນໃຫ້ມີຄວາມຕັ້ງໃຈແລະມີສະຕິ ບໍ່ຄວນຕົກໃຈຈົນເກີນໄປ ທ່ານໝໍຈະມີວິທີການໃຫ້ຄຳແນະນຳທີ່ຖືກວິທີຕໍ່ກັບການເບີ່ງແຍງສຸຂະພາບຂອງທ່ານ ແລະ ຄູ່ຮັກຂອງທ່ານ ຫຼື ຄົນໃນຄອບຄົວວ່າການຕິດເຊື້ອ HIVແມ່ນສາມມາດຕິດໄດ້ຈາກ 3 ຊ່ອງທາງພຽງເທ່ານັ້ນ ກໍຄືທາງເລືອດ, ເຂັມສັກຢາ ແລະ ຈາກແມ່ສູ່ລູກ.
- ທ່ານສາມາດດຳລົງຊີວິດໄດ້ປົກກະຕິຄືກັບຄົນທົ່ວໄປພຽງແຕ່ຕ້ອງມີວິໄນໃນການກິນຢາແລະ ການດູແລສຸຂະພາບຂອງຕົນເອງເພື່ອບໍ່ໃຫ້ເກີດພະຍາດແຊກຊ້ອນ, ເຊື້ອເອດບໍ່ສາມາດຕິດໄດ້ໃນອາຫານ, ນ້ຳດື່ມ, ນ້ຳລາຍ, ຍຸງກັດ ຫຼື ການສຳພັດກອດຈູບ.
- ໝໍຈະແນະນຳຜົນດີ ແລະ ຜົນເສຍຂອງການເຂົ້າກຸ່ມຜູ້ຕິດເຊື້ອ: ຫຼັງຈາກນັ້ນຕ້ອງປະເມີນສຸຂະພາບເບື້ອງຕົ້ນຂອງຕົນເອງ.
- ເຈົ້າຈະໄດ້ຮັບຄຳແນະນຳຈາກທ່ານໝໍຢ່າງຖືກວິທີ, ທ່ານໝໍຈະຂໍຂໍ້ມູນສ່ວນຕົວຂອງເຈົ້າໃນພຶດຕິກຳການມີເພດສຳພັນຂອງເຈົ້າເພື່ອໃຫ້ເຈົ້າໄດ້ເນາະນຳຄູ່ນອນທີ່ມີຄວາມສ່ຽງກັບມາກວດເຊັ່ນກັນ.
- ໝາຍເຫດ: ເຈົ້າບໍ່ຄວນເກັບຄວາມຮູ້ສຶກຫຼັງຮູ້ຜົນເລືອດໄວ້ຄົນດຽວ ຫາກຍັງບໍ່ພ້ອມທີ່ຈະບອກຄົນໃນຄອບຄົວ. ເພາະການບອກເລື່ອງນີ້ກັບໝູ່ຄູ່ ຫຼື ຄົນທີ່ເຮົາໄວ້ໃຈອາດຈະຊ່ວຍໃຫ້ເຮົາບໍ່ຕ້ອງແບກຄວາມຮູ້ສຶກໄວ້ຄົນດຽວ, ການບອກຜົນເລືອດເປັນການຕັດສິນໃຈຂອງເຈົ້າພຽງຄົນດຽວ ຢ່າງໃດກໍຕາມເຮົາແນະນຳວ່າເຈົ້າບໍ່ຄວນເກັບຄວາມກັງວົນໃຈໄວ້ຄົນດຽວ. ຖ້າເຈົ້າຮູ້ສຶກວ່າບໍ່ສາມາດເລົ່າໃຫ້ໝູ່ ຫຼື ຄົນໃນຄອບຄົວຟັງໄດ້, ທ່ານໝໍສາມາດແນະນຳການບໍລິການໃຫ້ຄວາມຊ່ວຍເຫຼືອອື່ນໆໃນນະຄອນຫຼວງວຽງຈັນທີ່ອາດຈະເປັນປະໂຫຍດສຳລັບເຈົ້າ:
- ແນະນຳສະຖານທີ່ໃຫ້ບໍລິການການ ແລະ ການຈ່າຍຢາຕ້ານໄວຣັດ (ARV)
1. ໂຮງໝໍແຂວງຫຼວງພະບາງ
2. ໂຮງໝໍເຊດຖາທີຣາດ
3. ໂຮງໝໍມະໂຫສົດ
4. ໂຮງໝໍມິດຕະພາບ 150 ຕຽງ
5. ໂຮງໝໍແຂວງສະຫວັນນນະເຂດ
6. ໂຮງໝໍແຂວງຈຳປາສັກ
7. ໂຮງໝໍເມືອງຫ້ວຍຊາຍ ແລະ ຕົ້ນເຜີ້ງ ແຂວງບໍ່ແກ້ວ
8. ໂຮງໝໍແຂວງຫຼວງນ້ຳທາ
9. ໂຮງໝໍແຂວງຄຳມ່ວນ
10. ໂຮງໝໍແຂວງໄຊຍະບູລີ
11. ໂຮງໝໍແຂວງບໍລິຄຳໄຊ
ຖ້າຜົນກວດເປັນລົບ:
- ຖ້າຜົນກວດຂອງທ່ານເປັນລົບທ່ານຈະໄດ້ຮັບຄຳແນະນຳໃນການເບີ່ງແຍງສຸຂະພາບໃນຂັ້ນຕໍ່ໄປ ແລະ ວິທີການຮ່ວມເພດແບບປອດໄພ.
- ທ່ານໝໍຈະແຈກຖົງຢາງອະນາໄມ ແລະ ອະທິບາຍວິທີການໃຊ້ຢ່າງຖືກຕ້ອງເພື່ອໃຫ້ເຈົ້າສາມາດມີການປ້ອງກັນ ແລະ ມີເພດສຳພັນທີ່ປອດໄພ.
- ສົນທະນາກ່ຽວກັບຄວາມຮັບຮູ້ໃນການຮັບເຊື້ອເຂົ້າສູ່ຮ່າງກາຍຢ່າງລະອຽດເພື່ອໃຫ້ເຈົ້າສາມາດແນະນຳຕໍ່ໝູ່ເພື່ອນຂອງເຈົ້າໄດ້ ແລະ ສຳລັບໂຕເຈົ້າເອງແມ່ນຈະໄດ້ຮັບຄຳແນະນຳໃນການກວດເຊື້ອ HIV ທຸກໆ3ເດືອນ.
- ເຕືອນດ້ວຍຂໍ້ຄວາມ:
- ເຕືອນດ້ວຍອິນເຕີເນັດ: